PRESS RELEASE
NO.80/2024
SIAHA, 25 Thlarâh, 2024, Pakhynoh – Atanoh dawh 11:00AM khata DRDO Conference Hall, Siaha liata Cleanliness Week 2024 Opening Programme Cum Swachh Bharat Cultural Fest & Waste to Art Exhibition ahmâhpa châ ta, Puhpa K. Chhuabei, Executive Member i/c Local Administration Department, etc., MADC cha khichhai laipa (chief guest) châpa ta â hmâkhei ei.
Programme he Puhpa Vanlalchhuanliana, DPO, UD&PA, Siaha ta chhihtha ta, Pihnô K. Ngosai, DIPRO, Siaha ta pathaihna kyh liata bietaina (Pledge) zawpi lâta a pahneisa. Pihnô K. Lalruatpuii, DEO, SBM(U) ta SHS 2024 Report piena a hnei.
Puhpa K. Chhuabei, EM, MADC chata, “Atanoh Cleanliness Week 2024 Opening Programme Cum Swachh Bharat Cultural Fest & Waste to Art Exhibition liata khokheina topa ta khichhai laipa châ awpa ta raopa ei châpa he aly hmeiseih na ta, Khazohpa ta tlâhna na pie ta, he programme ei vaw hlao theipa he, eima Beipa hnohta alynabie ei reih,” tahpa ta a reih.
“Zâkô Mawrâh chhôh liata pathaihna ataopasuana liata Siaha District sâthôhna la pi ta, atakô pathaihna kyh liata tiama papua ta, sâkhana ma, sanona chhâ la’pa eimâ chhuah chyu awpa a peimawhzie reih ta, zakô sâthôhna la pi ta, atakô a sâpa eima la thei vei khiahta cha noza â chhih kaw aw,” tahpa ta EM ta a reih.
Khichhai laipa chata, “Krizyhpa châ pi ta, Khazohpa chhaota eima pathaih awpa khoh ta, thlahpa hro liata eima pathaih awpa byuh ta, sapa hro liata chhao pathaihna he eima papeimawhsa kaw awpa a byuh,” tahpa ta a reih.
“Pathaihna kyh liata UD&PA nata Local Administration Department, MADC zy eima hria paraohna a pha kaw awpa byuh ta, Siaha khichhôh liata Sawhkhâ Office chyu lia heta a hriatuhpazy pi ta, hmia asahpa ta, DC Office, Siaha liata a hriapazy ta DC Office chhôh nata a chheipâh zydua a pathaih kawpa ta mohôh ei sa la, cha hawh pyly ta, MADC liata a hriapazy chhaota MADC Office chhôh nata a chheipâh zydua a pathaih kawpa ta ama mohôh hra awpa a châ,” tahpa ta EM ta a reih.
“Keimo ta pathaihna kyh liata hmia eimâ sah khiahta ta cha mo hropazy chhao pathaihna kyh a peimawhzie eima chho ti ta, ama papeimawhsa hra aw. Khih hro lâ tawhta Siaha khichhôh amâ vaw ngia daihti lia chhaota Siaha Khihpi liata a puapa thy chakhyh lei awpa ta eimâ pasyu/reih hluh via lymâ awpa he a peimawh ngaita kaw,” tahpa ta khichhai laipa ta a reih.
Laihsa B. Priskili ta pahnie kawpa ta hlasapa ta zawpi a palôhpahawh.
Puhpa Abraham Beirazi Khithie, Additional DC, Siaha ta pathaihna kyh liata pasyunabie pha kawpa reina a hnei. Pihnô S. Lalmuanpuii, Sr. LAO, MADC ta Social Media liata moh âlâluahpa pathôh Ambassador châta atlyhpazy phuana daihti â hmâh.
Swachh Bharat Mission (Urban) UD&PA, ry liata Siaha District Level Sanitation Committee ta Siaha District liata Social Media liata moh âlâluahpa pathôh Ambassador châta atlyh ei ta, chazy cha:-
- Rody H Vanlalhriatpuii, Miss Mizoram 2017.
- John Beizachhi Phuto
- Lucy Siakhel zy ama châ.
Pihnô Rody H. Vanlalhriatpuii, Miss Mizoram 2017 & Ambassador, SBM (U) chhaota pathaihna kyh liata pasyunabie pha kawpa reina a hnei hra.
Puhpa K. Chhuabei, EM, MADC he Official lâ tawhta Puhpa Henry PL Hnaihly, SO, MADC, Puhpa Pawsa Lava, AITO, MADC nata Puhpa Martin L. Hlychho, Cameraman zy ta ama chakaochahlâh.
Pihnô S. Lalmuanpuii, Sr. LAO, MADC ta vote of thanks reina a hnei khai tawhta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
